[Bənd 1]
Sənindir, mənimdir bu gül, bu çiçək
Birləşsin güc-qüvvət, birləşsin istək
Kəsək düşmənlərin kökünü, kəsək
Qoruyaq vətəni, bizim deyilmi?
Deyilmi?
[Nəqərat]
Yaxşılı-yamanlı bu dünyamızın
Yaxşısı, yamanı bizim deyilmi?
İkiyə bölünən Azərbaycanımın
O tayı, bu tayı bizim deyilmi?
İkiyə bölünən Azərbaycanımın
O tayı, bu tayı bizim deyilmi?
Deyilmi?[Bənd 2]
Sular təmiz olsun, səma zəngin
Yer üzü həkimlə, loğmanla zəngin
İnsana tuşlanan topun, tüfəngin
Tapılsa dərmanı, bizim deyilmi?
Deyilmi?[Nəqərat]
Yaxşılı-yamanlı bu dünyamızın
Yaxşısı, yamanı bizim deyilmi?
İkiyə bölünən Azərbaycanımın
O tayı, bu tayı bizim deyilmi?İkiyə bölünən Azərbaycanımın
O tayı, bu tayı bizim deyilmi?
Deyilmi?[Bənd 3]
Əsiri olanda kefin, nəşənin
Qeydinə qalmırıq gözəl guşənin
Sinəsi baltalı yaşıl meşənin
Turacı, ceyranı bizim deyilmi?
Deyilmi?
[Nəqərat]
Yaxşılı-yamanlı bu dünyamızın
Yaxşısı, yamanı bizim deyilmi?
İkiyə bölünən Azərbaycanımın
O tayı, bu tayı bizim deyilmi?İkiyə bölünən Azərbaycanımın
O tayı, bu tayı bizim deyilmi?
Deyilmi?
Yar, yar əman, əman
Ay can…