Edit Lyric - Lyricshot
Feature Note:
After successfully editing the lyric, we will review your submission. The review process may take up to one week.
Current Song
Voluspá (Skaldic Version)
Wardruna
Your Name
*
Lyric Content
*
Hljóðs bið ek allar helgar kindir, meiri ok minni mögu Heimdallar; viltu, at ek, Valföðr! vel framtelja forn spjöll fíra, þau er fremst um man. Ár var alda þar er Ýmir bygði, vara sandr né sær né svalar unnir, jörð fannsk æva né upphiminn, gap var ginnunga, en gras hvergi. Sól tér sortna, sígr fold í mar, hverfa af himni heiðar stjörnur; geisar eimi ok aldrnari, leikr hár hiti við himin sjalfan. Bræðr munu berjask ok at bönum verðask, munu systrungar sifjum spilla; Skelfr Yggdrasils askr standandi, ymr it aldna tré, en jötunn losnar. Geyr nú Garmr mjök fyr Gnipahelli, festr mun slitna en freki renna, fjölð veit ek fræða, fram sé ek lengra um ragna rök römm sigtíva. Sér hon upp koma öðru sinni jörð ór ægi iðjagræna. Falla fossar, flýgr örn yfir, sá er á fjalli fiska veiðir. Sal sér hon standa sólu fekra, gulli þakðan á Gimléi. Þar skulu dyggvar dróttir byggja ok um aldrdaga ynðis njóta.
Minimum 10 characters required
Submit Lyric Edit
Return to Lyric Page