O vos imitatores excelse (Responsory to the Confessors) [(V fol. 163v)]

O vos imitatores excelse persone
in preciosissima
et gloriosissima significatione,
o quam magnus est vester ornatus,
ubi homo procedit,
solvens et stringens in Deo
pigros et peregrinos,

etiam ornans
candidos et nigros et magna onera remittens.
Nam et angelici ordinis officia habetis,
et fortissima fundamenta prescitis,
ubicumque constituenda sunt,
unde magnus est vester honor—

etiam ornans
candidos et nigros et magna onera remittens.